റ്റിസി മറിയം തോമസ്
കൊല്ലം ജില്ലയിലെ കൊട്ടാരക്കരയ്ക്കടുത്തുള്ള വാളകത്ത് ജനനം. ആലുവ യൂണിയൻ ക്രിസ്ത്യൻ കോളജിൽനിന്ന് മനഃശാസ്ത്രത്തിൽ ബിരുദവും കാലിക്കറ്റ് സർവ്വകലാശാലയിൽനിന്ന് ബിരുദാനന്തരബിരുദവും. "വൈദ്യശാസ്ത്രങ്ങളിലെ മനോരോഗസങ്കല്പങ്ങൾ' എന്ന വിഷയത്തിൽ പിഎച്ച്. ഡി. കർണ്ണാടക ഖരാനകളിലെ ഹിജഡകളുടെ സാമൂഹ്യജീവിതത്തെയും ലിംഗപദവിയെയുംകുറിച്ച് റിസർച്ച് ചെയ്തു. ബാംഗ്ലൂർ ക്രൈസ്റ്റ് യൂണിവേഴ്സിറ്റിയിൽ മനഃശാസ്ത്രവിഭാഗം അധ്യാപികയായിരുന്നു. ആനുകാലികങ്ങളിൽ സാമൂഹ്യമനഃശാസ്ത്രലേഖനങ്ങൾ എഴുതാറുണ്ട്. ഇപ്പോൾ കേരളസർവ്വകലാശാലയിൽ മനഃശാസ്ത്രവിഭാഗത്തിൽ അസി. പ്രൊഫസർ.
