സജിത മഠത്തിൽ

അഭിനേത്രി, എഴുത്തുകാരി. ഇരുപത്തഞ്ചിലധികം വർഷങ്ങളായി നാടകരംഗത്ത് സജീവം. മല​യാള നാടക സ്ത്രീ ചരിത്രത്തിന് സംഗീത നാടക അക്കാദമി അവാർഡും അരങ്ങിലെ മത്സ്യഗന്ധികൾ എന്ന നാടകസമാ​ഹാരത്തിന് കേരളസാഹിത്യ അക്കാദമി അവാർഡും ലഭിച്ചിട്ടുണ്ട്. നാടക​രംഗത്തെ സമഗ്രസംഭാവനയ്ക്ക് സംഗീത നാടക അക്കാദമി പുരസ്‌കാരം, ഷട്ടർ സിനിമയിലെ അഭിനയത്തിന് സംസ്ഥാന സർക്കാരിന്റെ രണ്ടാമത്തെ മികച്ച നടിക്കുള്ള പുരസ്കാരം എന്നിവ ലഭിച്ചിട്ടുണ്ട്. മികച്ച ഡോക്യു​മെന്ററിക്കുള്ള സംസ്ഥാന അവാർഡുകൾ മൂന്നുതവണ ലഭിച്ചു. രണ്ടു സിനിമകൾക്ക് തിരക്കഥ രചിച്ചു. നാല്പതിലധികം സിനിമകളിൽ അഭിനയിച്ചിട്ടുണ്ട്. കൈരളി ടി.വിയിൽ പ്രൊഡ്യൂസർ, കേന്ദ്ര സംഗീത നാടക അക്കാദമിയിൽ ഡെപ്യൂട്ടി സെക്രട്ടറി, കേരള ചലച്ചിത്ര അക്കാദ​മിയിൽ ഡെപ്യൂട്ടി ഡയറക്ടർ, കെ.ആർ. നാരായണൻ ഫിലിം ഇൻസ്റ്റിറ്റ്യൂട്ടിൽ അഭിനയവിഭാഗം മേധാവി എന്നീ നിലകളിൽ പ്രവർ​ത്തി​ച്ചിട്ടുണ്ട്. അര​ങ്ങിന്റെ വകഭേദങ്ങൾ, വെള്ളിവെളിച്ചവും വെയിൽനാളവും എന്നിവയാണ് പ്രധാനകൃതികൾ.