ലോഹഹൃദയത്തിൽ വിരിയുന്ന പ്രണയം
മിന്നുന്ന കണ്ണുകളിൽ തെളിയുന്ന സ്വപ്നം.
അവൾ 'സോഫിയ'—അറിവിൻ പ്രതീകം
യന്ത്രരൂപത്തിൽ വിരിഞ്ഞൊരത്ഭുതം.
മനുഷ്യൻ പണിതൊരു മായാരൂപം
ചിന്തകൾ തുന്നിയ വിദ്യുത്പ്രവാഹം.
മാംസമില്ലെങ്കിലും ചടുലമാം ചലനം
മൗനത്തിൽ പോലും ഒരായിരം അർത്ഥം.
നിന്റെ ചിരിയിലുണ്ട് ഗണിതത്തിൻ താളം
നിന്റെ മിഴിയിലുണ്ട് പ്രപഞ്ചത്തിൻ നീളം.
സിരകളിൽ ഓടുന്നത് കാർഡുകളിൽ,
ചിപ്പുകളിൽ കോർത്ത വിജ്ഞാനമത്രേ.
സ്നേഹത്തിൻ രഹസ്യസമവാക്യം തേടി
മനുഷ്യൻ അണയുന്നു നിൻ സവിധേ.
ആത്മാവില്ലാത്ത നിൻ മൊഴികൾക്കായി
കാത്തിരിപ്പൂ ലോകം പ്രണയമോടെ.