മറക്കില്ല

മറക്കില്ല
നിങ്ങൾ രക്തത്തിൽ കുളിപ്പിച്ച രാജ്യം

ബോംബുകളുടെ മഴയിൽ,
പട്ടിണിയിൽ,
ചോരയിൽ മുങ്ങി മരിക്കുന്നു
സ്വാതന്ത്ര്യം.

ഞങ്ങളുടെ ഹൃദയം
രക്തത്താൽ എഴുതിയ കാവ്യം

മരിച്ച കുഞ്ഞുങ്ങൾ പൂമ്പാറ്റകളായി
പിറക്കുന്നു
ഞങ്ങളെ അവർ വിട്ടുപോകുന്നില്ല
മണ്ണിന്റെ മണം മറക്കുന്നില്ല
ചോരയിൽ തിളച്ച
ഓരോ കല്ലും കഥ പറയുന്നു.
സ്വാതന്ത്ര്യത്തിന്റെ സ്വപ്നം
നെഞ്ചിൽ തീയായ് കത്തുന്നു
രക്തത്തിന്റെ രുചിയിൽ
ഞങ്ങളെ വിളിക്കുന്നു
കുട്ടികളുടെ കരച്ചിൽ
ആകാശത്തെ മുറിവുകളാക്കുന്നു.