അന്തരിച്ച കവിയും സംഗീതജ്ഞനുമായ ബിനു എം പള്ളിപ്പാടിന്റെ സ്മരണാർത്ഥം കോറം ഫോർ പോസിറ്റീവ്, പള്ളിപ്പാട് ഏർപ്പെടുത്തിയ ആറ്റുമാലി കവിതാപുരസ്കാരം സജിൻ പി.ജെ. രചിച്ച 'മറിയാമ്മേ നിന്റെ കദനം' എന്ന കവിതാസമാഹാരത്തിനു ലഭിച്ചു.
കവിയും കേരളസാഹിത്യ അക്കാദമി അംഗവുമായ എം.ആർ. രേണുകുമാർ ചെയർമാനും എഴുത്തുകാരും അധ്യാപകരുമായ ഡോ. അജു കെ. നാരായണൻ, ഡോ. ലിൻസി കെ. തങ്കപ്പൻ എന്നിവർ അംഗങ്ങളുമായുള്ള പുരസ്ക്കാര നിർണയന സമിതിയാണ് ജേതാവിനെ തെരഞ്ഞെടുത്തത്. 2025 ഏപ്രിൽ 26-ന് പള്ളിപ്പാട്, മുട്ടം നേതാജി സെന്റർ ഫോർ സോഷ്യോ കൾച്ചറൽ സ്റ്റഡീസിൽ നടക്കുന്ന അനുസ്മരണച്ചടങ്ങിൽവെച്ച് പുരസ്കാരം നൽകും. പതിനായിരത്തിയൊന്നു രൂപയും മെമെന്റോയും പ്രശസ്തിപത്രവുമടങ്ങുന്നതാണ് പുരസ്കാരം.
സജിന് പിജെ