പി പി അബൂബക്കർ

മാധ്യമപ്രവർത്തകൻ, എഴുത്തുകാരൻ. 1980ൽ ദേശാഭിമാനിയിൽ ചേർന്നു. ചീഫ് ന്യൂസ് എഡിറ്ററാ​യിരിക്കെ 2016-ൽ വിരമിച്ചു. 2006-2008-ൽ വ്യവസായമന്ത്രി എളമരം കരീമിന്റെ അഡീഷണൽ പ്രൈവറ്റ് സെക്രട്ടറിയായി പ്രവർത്തിച്ചു. 2017-2021 കാലത്ത് മുഖ്യമന്ത്രി പിണറായി വിജയന്റെ അഡീഷണൽ പ്രൈവറ്റ് സെക്രട്ടറിയായിരുന്നു. കേരള പത്രപ്രവർത്തക യൂണിയന്റെ സംസ്ഥാന സെക്രട്ടറിയും മൂന്നു തവണ കാലിക്കറ്റ് പ്രസ്​ ക്ലബ്ബിന്റെ സെക്രട്ടറിയുമായിരുന്നു. കാലിക്കറ്റ് പ്രസ് ക്ലബ്ബിന്റെ "ഇൻസ്റ്റിറ്റ്യൂട്ട് ഓഫ് കമ്യൂണിക്കേഷൻ ആന്റ് ജേണലിസം' സ്ഥാപിക്കുന്നതിൽ പ്രധാന പങ്കു​വഹിച്ചു. കേരള പ്രസ് അക്കാദമിയുടെ ഡോ. മൂർക്കന്നൂർ നാരായണൻ അവാർഡ്, മികച്ച റിപ്പോർട്ടിങ്ങിന് കാലിക്കറ്റ് പ്രസ് ക്ലബ്ബിന്റെ കെ സി മാധവക്കുറുപ്പ് അവാർഡ്, സി എച്ച് ഹരിദാസ് അവാർഡ് എന്നിവ നേടി​യിട്ടുണ്ട്.