ദ് സെവൻത് ഗേൾ
ഗിരിനഗർ, ബാംഗ്ലൂർ സൗത്ത്, കർണാടക
സായാഹ്നത്തിൽനിന്നും രാത്രിയിലേക്കു നടന്നുകയറുന്ന വിജനമായ ഒരു തെരുവോരം. തുണികൊണ്ട് വശങ്ങൾ മറച്ച് പ്ലാസ്റ്റിക് ചാക്കുകൾ കൂട്ടിക്കെട്ടി മുകൾഭാഗം മൂടിയ ഒരു കൊച്ചു കുടിലിനുള്ളിൽ പ്രായമായി അവശനിലയിലുള്ള ഒരു വൃദ്ധൻ. നിലത്തുവിരിച്ച പ്ലാസ്റ്റിക് ഷീറ്റിലാണ് കിടപ്പ്. ശോഷിച്ച് ചുളിവുവീണ കൈകളിലൂന്നി സാവധാനത്തിൽ എണീക്കാനുള്ള ശ്രമത്തിലാണ്.
“മോനെ...” അയാൾ ഉച്ചത്തിൽ വിളിച്ചു.