കനലു കോരിയ കൈകളാൽ നീ കനവു നെയ്തപ്പോൾ
ലളിത ജീവിതസത്യമായ് നീ തെരുവിൽ നിന്നപ്പോൾ
പൊരുതിടുന്ന കരളുമായ് നീ പട നയിച്ചപ്പോൾ
ഒഴുകിയെത്തിടുമായിരങ്ങൾക്കഭയമായ് മാറീ
നൂറു വത്സരമാകിലും നടു നീർത്തി നിന്ന യുവത്വമേ
ഒടുവിലൊന്നും മിണ്ടിടാതെ, കൺ തുറക്കാതെ
ജനസമുദ്രത്തിരയിലിന്നിൻ സൂര്യനണയുമ്പോൾ
ഉള്ളുലഞ്ഞിട്ടലയുമാഴിത്തിരകൾ പാടുന്നൂ
നിണമണിഞ്ഞ പതാക മൂടിയ വിരഹയാമത്തിൻ
കനലിൽ നിന്നുമുയർന്നിടാവൂ പുതിയ താരങ്ങൾ!
