നിനക്കൊപ്പം
യാത്ര പോകുന്നത്
സ്വപ്നം കാണാൻ വേണ്ടി മാത്രം
ഉറങ്ങാൻ കിടക്കുന്നു
വലിയ ചെങ്കുത്തായ മല
ഞാൻ ഒരുക്കി വെക്കുന്നു
അതിലേക്കുള്ള വഴിക്ക്
ഇരുവശവും പച്ചപ്പുകൾ
നീ നനച്ചു വളർത്തുന്നു.
പച്ച നാമ്പുകൾ നിറയെ
മഞ്ഞിൻ തുള്ളികൾ
ഞാൻ വിതറുന്നു
നമ്മെ തഴുകി കടന്നു പോകാനുള്ള
കാറ്റിനെ നീ പറഞ്ഞു വെക്കുന്നു.
പടർന്നു പന്തലിച്ച ഒരു മരത്തെ
ചുവന്നപൂക്കളടക്കം
ഞാൻ വിലക്ക് വാങ്ങുന്നു
നീ നിന്റെ തിത്തിരപക്ഷികളെ
കൂടടക്കം അതിൽ പാർപ്പിക്കുന്നു