ഭൂമിയെയും പൂക്കളെയും
കാറ്റിനെയും കടലിനെയും
അന്ധകാരകത്തെയും അഖണ്ഡതയെയും
ആവോളം സ്നേഹിച്ചൊരമ്മ
മനംനിറയെ സുഗന്ധംനിറച്ചൊരമ്മ
സുഗതയെന്ന പേരിനെ സുകൃതമാക്കി
സ്വപ്നങ്ങളെ സ്നേഹിച്ചു സ്നേഹിച്ച്
സ്വയം ഉരുകിതീർന്നോരമ്മ
നഷ്ടസൗഭാഗ്യങ്ങളെ ഇഷ്ടവസന്തമാക്കി
അനാഥർക്കു ആലംബഹീനർക്കും
ദീപനാളം ജീവിതത്തിൽ തെളിയിച്ച്
സ്നേഹം ജീവിതപാതയാക്കിയൊരമ്മ
ടീച്ചറമ്മയായി ജീവിച്ച് ശിഷ്യഗണങ്ങളെ
സ്വന്തം ഹൃത്തിടത്തിലേറ്റി ദീപം
തെളിയിച്ച് ദിവ്യതപകർന്ന്
ദിനരാത്രങ്ങളെ താലോലിച്ചൊരമ്മ