പടിക്കെട്ടിലൊരു കോണില്‍
കിതപ്പാറ്റിയിരിക്കുന്നു വൃദ്ധ
ചാരി വെച്ച മുളവടിയ്ക്കുള്ളില്‍
കാറ്റ് പുറത്തേക്കായുന്നു
ആരോടൊക്കെയോ കലമ്പി
ഉച്ചമയക്കത്തിലേക്കാണ്ടതേയുള്ളു
ഉണര്‍ന്നപ്പോള്‍
(ഉണര്‍ന്നില്ലെന്നവര്‍ അടക്കം പറയുന്നു)
ഇതാ!
മലര്‍ക്കേ തുറക്കുന്നു, വെളിച്ചമിരമ്പിയെത്തുന്നു
പോക്കുവെയില്‍ തടയാനെന്ന പോല്‍
ഇറയത്തിരിക്കുന്നുണ്ടയാള്‍
നീട്ടി വിളികളില്ല, ഇടിമുഴക്കമില്ല
പരിഭവമില്ല, ശൂന്യമായ നോട്ടങ്ങളേയുള്ളിനി