അവനിലെ പെണ്ണൊരുത്തിയെ
ആദ്യമായി അറിഞ്ഞത് അമ്മയാണ്
ചുണ്ടിൽ ചായമിട്ട് തെല്ലു നാണത്തോടെ
ചേല ചുറ്റി കണ്ണാടി നോക്കുന്നവനെ
ഭയത്തോടെ അവൾ നോക്കിനിന്നു
പിന്നീടെപ്പോഴോ അവൻ
അവളായി മാറികൊണ്ടിരുന്നു
കളിക്കൂട്ടുകാരനോട് തോന്നിയ പ്രണയവും
പെണ്ണഴകാവാൻ കൊതിച്ച മനസ്സുമായി
അവനിലെ പെണ്ണ് വളർന്നു വന്നു
ഒപ്പം ബാല്യ ചാപല്യമായി കണ്ട
എല്ലാരുടേയും ഭീതിയും
കാലിൽ ചിലങ്കയണിഞ്ഞ്
കുപ്പിവള ചന്തത്തിൽ നൃത്തമാടുന്നവളെ
കണ്ടാൽ പെണ്ണല്ലെന്ന് ആരു പറയും
ചേർത്തു നിർത്തേണ്ടവർ മാറ്റി നിർത്തി
സ്നേഹം നല്കേണ്ടവർ വെറുപ്പേകി
വീടും നാടും ശാപവാക്കുകൾ ചൊരിഞ്ഞു
കണ്ണീർ പൊഴിക്കുകയല്ലാതെ വേറെ എന്ത്