അടുക്കളക്കാരിയുടെ ആര്ത്തവമെന്നാല്
നാലു ചുമരിനുള്ളില് തളയ്ക്കപ്പെട്ടവളുടെ
അസ്വാതന്ത്ര്യമാണത്രെ
മാസമുറയെത്തും മുന്നേ അസ്വസ്ഥതകള്
പെരുകി അവളുടെ അന്തരംഗം അടുപ്പത്ത്
തിളയ്ക്കുന്ന കഞ്ഞിക്കൊപ്പം തിളച്ചു തുടങ്ങും
നനഞ്ഞ വിറകിനെ ഊതിയൂതി കത്തിക്കും പോല്
പുകഞ്ഞു തുടങ്ങുമവളുടെ ഉടലും മനവും
ആഴ്ചയെത്തും മുന്നേ അസ്വാരസ്യത്തിന്റെ കുരുക്കള്
നിറഞ്ഞ മുഖത്തേക്കവള് അമര്ഷത്തോടെ നോക്കും