കണ്ണാടി

കണ്ണാടി നോക്കുന്ന നേരത്തെങ്കിലും
കണ്ണിലേക്കൊന്ന് നമ്മൾ നോക്കിടേണം
കള്ളത്തരത്തിന്റെ കൂട് കാണാമവിടെ
കളിയാടും കനൽ പൂക്കളും കാണാം

കാലമിന്നേറെ മാറി പോയ് കണ്ണിലും
കനവിലും കള്ളങ്ങൾ മാത്രമായ്
ഉള്ള് തുറന്നൊന്നുമാരും മിണ്ടാതായ്
കാര്യങ്ങൾ നേടാനുള്ള കൂട്ട് മാത്രമായ്

കൂടെപ്പിറപ്പുകളില്ല
കൂട്ടിൽ നേരും നെറിയുമില്ല
എവിടെയും കള്ളങ്ങൾ മാത്രം
എപ്പോഴും സ്വാർത്ഥ ചിന്ത മാത്രം

കണ്ണ് നമുക്കതിനൊരായുധമായ്
സർവ്വതും മറയ്ക്കാനുള്ള ആശ്രയമായ്
സകലരും അന്യോന്യം നോക്കാതായ്
സകലയിടത്തും ഏവരും അന്യരായ്