അമ്മ മനസ്സുകൾ അഗ്നിയിലേറുന്നു
ഈകാലത്തിൻ അരുതാ കാഴ്ചകളിൽ
അഗ്നിപർവ്വതങ്ങളായ് മാറീടുന്നു
അകമെ ചുട്ടുപൊള്ളുമിടമായീടുന്നു
ഈകാലത്തിൻ മായാക്കാഴ്ചകളിൽ
പരിലസിച്ചീടും മക്കളെയോർത്ത്
അമ്മ മനങ്ങളിൽ നൊമ്പരം വിരിയുന്നു
എന്നും വിങ്ങലുകളിൽ അലഞ്ഞീടുന്നു
ജീവിത സൗകര്യങ്ങളിന്നേറുന്തോറും
പുതുലഹരികൾ തേടി പാഞ്ഞീടും
ഇളം മനസ്സുകളെയോർത്ത് കേഴുന്നു
മനസ്സിൻ കോട്ടകളിൽ ഇടിമുഴക്കമായീടുന്നു
നൊന്തു പ്രസവിച്ചൊരമ്മതൻ മാറിൽ
മക്കൾ താണ്ഡവമാടും കാഴ്ചകൾ കണ്ട്
മാതൃഹൃദയങ്ങൾ വിങ്ങിപ്പൊട്ടുന്നു
മാനസ്സങ്ങളിൽ ഇരുൾ പടർന്നേറിടുന്നു