എഴുത്തുകാരിയും സംരംഭകയുമായ ഇന്ദിര ലങ്കേഷ് (83) അന്തരിച്ചു. ഹൃദയാഘാതത്തെത്തുടർന്ന് ബംഗളൂരുവിലെ വസതിയിലായിരുന്നു അന്ത്യം. കന്നഡ സാഹിത്യകാരനും പത്രപ്രവർത്തകനും ലങ്കേഷ് പത്രിക സ്ഥാപകനുമായ പി ലങ്കേഷിന്റെ ഭാര്യയാണ്. 2017-ൽ ഹിന്ദുത്വവാദികളുടെ വെടിയേറ്റു മരിച്ച പത്രപ്രവർത്തക ഗൗരി ലങ്കേഷ് മകളാണ്. ചലച്ചിത്ര സംവിധായകരായ കവിതാ ലങ്കേഷും ഇന്ദ്രജിത്ത് ലങ്കേഷുമാണ് മറ്റ് മക്കൾ.
ഹുളിമാവ് മട്ടു നാനു (പുളിമാങ്ങയും ഞാനും) എന്ന ആത്മകഥാപരമായ നോവലാണ് ഇന്ദിര ലങ്കേഷിന്റെ പ്രധാനകൃതി. 1979-ൽ മയൂർ സിൽക്സ് ആൻഡ് ടെക്സ്റ്റൈൽസ് എന്ന സാരി വസ്ത്രാലയ സംരംഭവും ഇന്ദിര ലങ്കേഷ് ആരംഭിച്ചിരുന്നു.
Summary: Writer and entrepreneur Indira Lankesh (83) passes away.