വാലി ഓഫ് വേഡ്സ് ബുക്ക് അവാർഡിന് തിരഞ്ഞെടുക്കപ്പെട്ട പുസ്തകങ്ങളുടെ ലോങ് ലിസ്റ്റ് പ്രസിദ്ധീകരിച്ചു. എട്ട് സാഹിത്യ വിഭാഗങ്ങളിലേക്കുള്ള രചനകളുടെ ലോങ് ലിസ്റ്റാണ് പ്രസിദ്ധീകരിച്ചത്. ഇംഗ്ലീഷ് ഫിക്ഷൻ, ഇംഗ്ലീഷ് നോൺഫിക്ഷൻ, ഇംഗ്ലീഷ് ട്രാൻസ്ലേഷൻ, ഹിന്ദി ഫിക്ഷൻ, ഹിന്ദി നോൺഫിക്ഷൻ, ഹിന്ദി ട്രാൻസ്ലേഷൻ, യങ്ങ് അഡൾട്ട് ലിറ്ററേച്ചർ, ചിൽഡ്രൻ ലിറ്ററേച്ചർ എന്നീ വിഭാഗങ്ങളിലെ പുസ്തകങ്ങള്‍ക്കാണ് പുരസ്കാരം.
ഷീല ടോമി എഴുതിയ ആ നദിയോട് പേര് ചോദിക്കരുത് എന്ന മലയാള പുസ്തകത്തിന്‍റെ ഇംഗ്ലീഷ് പരിഭാഷയും (Do Not Ask the River Her Name) ലോങ് ലിസ്റ്റിൽ ഇടം നേടിയിട്ടുണ്ട്. ഇംഗ്ലീഷ് ട്രാൻസ്ലേഷൻ വിഭാഗത്തിലാണ് പുസ്തകം ഇടംപിടിച്ചിരിക്കുന്നത്. മിനിസ്‍തി എസ് ആണ് പരിഭാഷക.
ജൂലൈ 30ന് ഷോർട്ട്ലിസ്റ്റ് പുറത്തുവരും. ഷോർട്ട്ലിസ്റ്റ് ചെയ്യപ്പെട്ട പുസ്തകങ്ങളുടെ എഴുത്തുകാർക്ക് ഡെഹ്റാഡൂണിൽ നടക്കുന്ന വാലി ഓഫ് വേഡ്സ് ഇന്റർനാഷണൽ ലിറ്ററേച്ചർ ആൻഡ് ആർട് ഫെസ്റ്റിവല്‍ ക്ഷണം ലഭിക്കും.