മുണ്ടൂർ കൃഷ്ണൻകുട്ടി സ്മാരക പുരസ്കാരം ടി. പി. വേണുഗോപാലന്. ഡിസി ബുക്സ് പ്രസിദ്ധീകരിച്ച 'തുന്നൽക്കാരൻ' എന്ന കഥാസമാഹാരത്തിനാണ് 25,000 രുപയും ഫലകവും പ്രശസ്തിപത്രവും അടങ്ങുന്ന പുരസ്കാരം. വൈശാഖൻ, ഡോ. കെ പി മോഹനൻ, അശോകൻ ചരുവിൽ എന്നിവരടങ്ങിയ ജൂറിയാണ് പുരസ്കാരജേതാവിനെ തെരഞ്ഞെടുത്തത്.
സമൂഹമാധ്യമങ്ങളെ മുഖ്യപരിസരമായി പരിഗണിച്ചുകൊണ്ടുള്ള ഈ സമാഹാരത്തിലെ കഥകൾ അധിനിവേശത്തിന്റെ പുതിയ ആയുധങ്ങളായി സൈബറിടങ്ങളെ അടയാളപ്പെടുത്തുന്നു. നാട്ടുമനുഷ്യരെയും നാട്ടുഭാഷയെയും നാട്ടുപമകളെയും കൂട്ടുപിടിച്ചാണ് ഈ മേൽക്കോയ്മയ്ക്കെതിരെ കഥാകൃത്ത് സമരം ചെയ്യുന്നത്.
ടി പി വേണുഗോപാലൻ